quinta-feira, 10 de maio de 2012
úpen se de la tierra froles .... serenas cumo diusas griegas
naide çcubre l mistério de
las státuas de l'Ilha de Páscoa,
çque perdírun la quelor
de adonde le manaba l sangre:
úpen se de la tierra froles
burmeilhas de bida, negras
de tristeza i de canseira, serenas
cumo diusas griegas an sou altar:
pul burmeilho cuorre l sangre,
ye l negro ua lhembráncia de la fuonte,
seinha de la Tierra a que perténcen,
menumientos de tiempo i de saber.
tierra de froles by João Bandarra
Subscrever:
Enviar feedback (Atom)
No meio de la senara un cibico antes de las faias de riu abaixo: bida, tiempo, l Praino cun sues senaras i l resbalar peinhas abaixo até adonde la eideia querga.
ResponderEliminarAbraço