quedórun por to la tierra de Miranda - i pul nuosso mundo afuora - piedras cun nomes, a las bezes dezires, siempre cun seinhas dun modo de ber l mundo: márcan la sepultura de ls que se quejírun mantener pa l'eiternidade; de todas, siempre me ampressionou la ruodra de fuogo, esse sol an forma de naspas que ródan sien paraige, cruç an mobimiento a la cabeceira de la laja sepulcral an tributo al sol que mos alhumbra; son ls bibos que fázen la sepultura, assi se custituindo l purmeiro fuzil de la cadena dua houmana eiternidade, que noutros apuis se cuntina i bai puls tiempos afuora anquanto la piedra nun seia grano de arena i la mimória bote frol: todo angarra pula rodriga de la stória, inda quando nun bai alhá las pequeinhas mimórias, essas que cun cada un se muorren; fui de la fuorça dessa rodriga que nacimos i bibimos i, se mais rezones nun houbira, essa bonda pa que la bida nun seia solo un dreito, mas antes de mais un deber, purmeiro an relaçon a nós, apuis para cun aqueilhes que por miles i miles de anhos fúrun sembrando: prender nuosso fuzil na cadena de la houmana eiternidade, ye rezon que bonde para bibir, gratidon que aguanta este houmano planeta tierra.
La piedra que se fizo grano anrodriga-se un mimórias...la nuossa mimória (de la houmanidade)ten muitas colores: cinza; azul, amarielho, berde i bermeilho. Burmeilho de sangre; aspirales de ruodras de fuogo,pulburinos que salen de nuossas antranhas arrastrando i sorbendo todo l que tenemos sparbando-lo pul ouniberso...
ResponderEliminar